«Çап-çамрăк хурăн, курăр...»

Любовь Шашкина | Сăвă | хурăн | 269


Çап-çамрăк хурăн, курăр,

Черчен те тап-таса.

Паян кĕрхи сив çумăр

Ярать ăна çуса.

 

Çил вĕрнĕ май çав хурăн

Турать кăтрисене,

Сар тутăрне салхуллăн

Сарать сив çĕр çине.

 

Паян салху пулсан та,

Шанать вăл, малашне

Сар хурăнăн та, ман та

Пулать чăн çуркунне.

add comment Çĕнĕ комментари хуш


Ят:
Хăвăр шухăша çырса пĕлтерĕр:

Ă ă Ĕ ĕ Ç ç Ÿ ÿ Ӳ ӳ « ... » —
Хаклав:
Шухăшĕ:
Чĕлхе илемлĕхĕ:
Содержанийĕ: