«Паспа витĕннĕ шур хурăн...»

Паспа витĕннĕ шур хурăн

Ним чĕнмест мана паян.

Шерепеллĕ тутăр унăн

Калама та çук пуян.

Сар хĕвелĕ питĕ савăк,

Шевле сапнă таврана.

Ав, пĕр тĕмĕ витнĕ мамăк,

Ытарма та çук ăна.

Ылтăнпа та, кĕмĕлпе те

Илемлетнĕ туратне.

Мĕн тĕмми-ши? Тен, пĕлетĕп?

Тен, пырса пăхас патне?

Тӳпере хĕвел йăл кулчĕ,

Хăлханах çитет тути.

Ку асамлă тĕмĕ пулчĕ

Çилпе хытнă армути!

Çĕнĕ комментари хуш