«Чечексем çинче мерчен те кĕмĕл...»

Юхма Мишши | Сăвă | савни | 480


Чечексем çинче мерчен те кĕмĕл,

Ăшă çил çӳрет вĕçкĕнленсе.

Ирхине çапла ман уçă кăмăл,

Пахчана тухатăп тем кĕтсе.

 

Пытанса мерчен ĕçет саркайăк,

Шăпчăк тăсса ячĕ юррине.

Шăпчăкпа пĕрле юрласчĕ манăн,

Ас илетĕп эпĕ савнине.

 

Вăл та шăпчăк евĕрех юрлатчĕ,

Чунтанах саватчĕ вăл мана.

Пире мĕншĕн пурнăç уйрăлтарчĕ,

Мĕншĕн пилсĕр пулчĕ самана?!..

 

Çунатна парсам мана, саркайăк,

Шăпчăк, кăтартсам савни çулне.

Сулăп та çунат, вĕçсе эп кайăп,

Шыраса чун савнă пикене.

add comment Çĕнĕ комментари хуш


Ят:
Хăвăр шухăша çырса пĕлтерĕр:

Ă ă Ĕ ĕ Ç ç Ÿ ÿ Ӳ ӳ « ... » —
Хаклав:
Шухăшĕ:
Чĕлхе илемлĕхĕ:
Содержанийĕ:

Шухăшсем