«Пин-пин аллисемпе тӳпе чĕнет мана...»

Пин-пин аллисемпе тӳпе чĕнет мана,

Темле парне сĕнесшĕн пуль тесе шутлатăп.

Пĕлесчĕ тĕрĕсне, тен, туйăнать кăна,

Çапах тӳпенелле чунпа эп туртăнатăп.

Пин-пин çул ĕлĕкрех ман ламтайсем çапла,

Çӳл тӳпене çити шутланă çĕкленмешкĕн,

Унта телей тупасшăн пулнă пулмалла,

Анчах телей пĕлет ытла та кĕттермешкĕн.

Пин-пин аллисемпе тӳпе чĕнет мана,

Эх, туйăнать унта телей кĕтсе илессĕн.

Асамлă ик çунат кам парĕ-ши мана,

Чăн-чăн телей тупайăп-ши унта çитсессĕн.

26.03.2007.

Çĕнĕ комментари хуш