«Хĕл илемĕ чăлтăр шурă...»

Шура йăмăкăма

Хĕл илемĕ чăлтăр шурă,

Хăв та шурăччĕ йăлтах.

Çавăнпах-тăр кăмăл турăн

Шур упа пек турата.

Ун чухне вăрман турачĕ

Çăмламасчĕ ман пекех.

Çил-тăман вăл кăларатчĕ

Кăшт пырса тивсессĕнех.

Шур тасалăхăн пичечĕ —

Иксемĕр ăмсаннăран —

Халĕ çĕмĕртсем çинче çеç

Упранайнă хушăран.

Юлашки çеçкийĕсем те

Тăкăнаççĕ ерипен.

Тен, эсех тухса силленĕ,

Урăххи ал хывнă, тен.

Çĕнĕ комментари хуш