Сĕтел çинчи йĕрсене вуласан
1-мĕш йĕр
Аçу кĕрекинче тĕпреннĕ çăкăра
шăлма хăйса çӳп евĕр ан пăрах.
2-мĕш йĕр
Пĕри касма пĕлмен те çăкăрне
кастарнă сĕтеле те…
кăкăрне.
3-мĕш йĕр
Пурнăç çилли –
уй-хир,
çăкăр чĕлли –
сĕт.
Сăвакансем –
эпир,
ютăран
ан кĕт!
4-мĕш йĕр
Чĕнчĕ?
Лар,
кăмăл ту.
Сĕнчĕ?
Ил,
кăмăл ту.
Çук е пур –
кăмăл ту.
Сĕнчĕ –
ил,
какăр,
хур.
5-мĕшпе 6-мĕш йĕрсем
Сĕтел пушансассăн
пĕр йĕрĕ йĕрет.
Теприйĕ хавассăн
йĕлпĕрет.
7-мĕш йĕр
Çăкăр çук – пуç хыçăн,
çăкăр пур – переп.
Те эс тутă, выçă –
маншăн пурпĕрех.
8-мĕш йĕр
Хăрăк йывăç хăртăр,
çĕн хунав, тамал!
ĕмĕр типсе хăртăр
çăкăр пенĕ ал.
9-мĕш йĕр
Тĕрлĕ тĕслĕ çăкăр кас юри –
яланах малтан пĕтет хури
10-мĕш йĕр
Ас туса тăма ик ăс:
тăвиччен вĕр-çĕннине
киввине ан пăс,
çăтиччен çăвартине
теприне ан ăс.
11-мĕш йĕр
Чĕнмен
хăна
шăна
кăна.
Ларать,
варалать,
вара
тарать.
12-мĕш йĕр
ĕçкĕ-çикĕ тăвиччен
ĕçле тару тухиччен.
Хăна-вĕрле пуçтаран–
сиксе, юрласа ташлан.
Шухăшсем
Is your chuvash...
Get additional leads for your chuvash...
Is your website chuvash...
Предлагаем вам высококачественный трот...
Ready to enhance your website aud...
Is your website chuvash...
Ready to drive your website succe...
Is your website chuvash...
Замечательное поэтическое творение...
Аван çырнă вăл вăхăтра ...