«Чечек татса, пуçкашăлĕ туса...»

Юхма Мишши | Сăвă | чечек | 486


Чечек татса, пуçкашăлĕ туса,

Эп килтĕм çакă çутă тĕнчене.

Анчах çынсем, курми-илтми пулса,

Мана кĕртмерĕçĕ хăйсем патне.

 

Ан шантăрччĕ тесе чечексене

Куççульпеле шăвартăм кашни кун.

Вĕсем илемлине эп çынсене

Юрла-юрла кăтартрăм, мĕскен чун.

 

Пĕлместĕп, мĕншĕн пирĕн çынсене

Хитре чечек те пач та кирлĕ мар.

Пĕлместĕп, мĕншĕн ман юрăсене

Вĕсем пачах итлесшĕн мар.

 

Усратăп пурпĕрех чечексене,

Чунра хыватăп çĕнĕ юрăсем,

Парнелесе паратăп çынсене,

Шанса килĕшессе вĕсем.

add comment Çĕнĕ комментари хуш


Ят:
Хăвăр шухăша çырса пĕлтерĕр:

Ă ă Ĕ ĕ Ç ç Ÿ ÿ Ӳ ӳ « ... » —
Хаклав:
Шухăшĕ:
Чĕлхе илемлĕхĕ:
Содержанийĕ:

Шухăшсем