Каçхи çумăр
Кĕмсĕртетрĕ тӳпере. Унтан
Çил шавларĕ, аврĕ йывăçа.
Çапрĕ вăл чӳречерен тан-тан!
Вĕçрĕ çӳлелле çурса каçа.
Çиçĕм çиçрĕ васкаса çӳлте,
Шав çĕкленчĕ таврара тепре.
Çавăнтах тем пулчĕ пĕлĕте:
Килчĕ-анчĕ йĕпетсе çĕре.
Çумăр çурĕ, ак, курăксене,
Çул çинче пусарчĕ тусана.
Çапрĕ йĕпетсе чӳречене.
Парнелерĕ ырă сулхăна.
Сывлăш уçăлчĕ вара тинех,
Пăчă сывлăш сивĕнчĕ кăштах.
Çумăр çурĕ те çине-çине,
Ывăнса вăл чарăнчĕ часах.
Кĕç тавралăх ларчĕ шăпланса
Çумăр чарăнсассăн тумлама.
Юлчĕ çеç ун хыççăн тап-таса
Сулхăн сывлăш уççăн сывлама.
Шухăшсем
Питĕ чуна пырса тивекен сăвă...
Ĕлĕк , вуншар çул каялла , тейĕпĕр , вул...
Пĕр калаврах ĕç-пуçĕ целăй романлăх !!!
Мана питĕ килĕшрĕ...
Вуланă ...
Енчен те " кĕрхи кунсем иртмеççĕ кăлăх"п...
Тем, сăвăн тĕллевне ăнланаймарăм, каçарă...
Ара , криминал та ку ! Çавăнпа та КУЛĂШЛ...
"Виççĕмĕш страница çитсен сасăпах кулкал...
Питĕ килĕшрĕ ...