Ял каçĕ

Аркадий Русаков | Сăвă | 468


Кĕтӳ анать,

Çын хумханать,

Тухать вăл урама.

Куçне хĕссе

Пăхса сăнать

Таврăннине ума

Ĕни-пушмакĕ ун хиртен,

Е сурăх-качаки.

Киле килсен

Вĕсем пурте

Ак, хĕпĕртет хайхи!

Хĕвел анать,

Яш савăнать.

Утать вăл клуб енне.

Чĕри тапать ун,

Пăлханать

Курсассăн савнине.

Клуб уçăлать,

Çынпа тулать:

Яш-кĕрĕм пухăнать,

Кĕпĕрленсе

Юрлать, ташлать.

Çак кирлĕ çеç ăна!

Клуб хупăнать

Те пушанать

Унти çамрăксенчен.

Вара-çке юрă шăранать

Ял çийĕн мĕн ирччен.

add comment Çĕнĕ комментари хуш


Ят:
Хăвăр шухăша çырса пĕлтерĕр:

Ă ă Ĕ ĕ Ç ç Ÿ ÿ Ӳ ӳ « ... » —
Хаклав:
Шухăшĕ:
Чĕлхе илемлĕхĕ:
Содержанийĕ: