Зинаида Сурпан


— Епле эс пурăнан,

Зинаида Сурпан? —

Эп ыйтатăп санран

Хăш чухне тĕл пулсан.

Эс вара йăл кулан,

Хуравлатăн: «Аван.

Мĕнлине пурнăç ман

Хăвах лайăх куран».

 

Çапла, эпĕ, Зина,

Пĕлеп пек те сана,

Анчах та яланах

Вуласан сăввуна

Тĕлĕнетĕп санран,

Чĕрӳнти кăвартан,

Иксĕлми вăйунтан,

Сан çунат чунунтан.

 

Епле санăн чĕре

Мĕнпурне ĕлкĕрет?

Апат та пĕçерен,

Ĕçе те эс çӳрен,

Кăшт ларсассăн канма

Тытăнатăн çырма,

Аллуна хут тытан,

 

 

Шухăшна яр! уçан.

Юрруна, сăввуна

Хаваспах эс, Зина,

Парнелетĕн çынна,

Яр уçатăн чунна.

Пур асам, тупата,

Санăн çав чунунта,

Çиçет ăшшăн тата

Çут хĕлхем куçунта.

 

Чупсан та кун-çулсем,

Чунăнти вут-хĕлхем

Вăй-хал патăр сана,

Манăн тусăм Зина!

Çыр тата нумайрах:

Сăввусем таврара

Янăраччăр ялан,

Зинаида Сурпан.

add comment Çĕнĕ комментари хуш


Ят:
Хăвăр шухăша çырса пĕлтерĕр:

Ă ă Ĕ ĕ Ç ç Ÿ ÿ Ӳ ӳ « ... »
Хаклав:
Шухăшĕ:
Чĕлхе илемлĕхĕ:
Содержанийĕ: