Чăвашлăх

Аркадий Русаков | Сăвă | 440


Мĕн вăл чăвашлăх?

Ку вăл — ачашлăх,

Уй-хир евĕр анлă

Туслăх, тăванлăх.

Пĕрле пурăнни вăл

Чăваш хĕрĕ, ывăл,

Çак пĕрлĕх пире

Тытни ĕмĕре.

 

Мĕн вăл чăвашлăх?

Ку вăл — малашлăх,

Чĕлхемĕр ку пирĕн

Хула çийĕн, хирĕн

Вĕçни. Хавас кулă

Çиçни ку хăюллăн

Чăваш куçĕнче

Тĕнче умĕнче.

 

Мĕн вăл чăвашлăх?

Ку вăл — юлташлăх.

Ку вăл — пуласлăх,

Истори ку аслă.

Çынна тус туни вăл

Чăваш хĕрĕ, ывăл.

Эпир-ши камсем?

Эпир — чăвашсем!

Çавăн пекех пăхăр

add comment Çĕнĕ комментари хуш


Ят:
Хăвăр шухăша çырса пĕлтерĕр:

Ă ă Ĕ ĕ Ç ç Ÿ ÿ Ӳ ӳ « ... » —
Хаклав:
Шухăшĕ:
Чĕлхе илемлĕхĕ:
Содержанийĕ: