Ăçта эс çӳретĕн?
Эпĕ килтĕм — эсĕ çук.
Ăçта-ши çӳретĕн?
Чунăм саншăн çуннă чух
Мĕншĕн кĕттеретĕн?
Сăмах патăн-çке ĕнер
Кĕçĕр тĕл пулмашкăн.
Килччĕ, тусăм, ан кĕттер,
Эс манпа ан ашкăн.
Эп сана килсессĕнех
Пилĕкрен ыталăп.
Чĕрери сăмахсене
Ăшшăн-ăшшăн калăп.
Саншăн çӳлĕ тӳпене
Ăнтăлăп, хăпарăп,
Йăлтăр çутă çăлтăрне
Аллунтан тыттарăп.
Санпа хĕмлĕ туйăмпа
Эпĕ ăшăнасшăн.
Анчах çук эс. Çавăнпа
Хаш! сывлатăп ассăн.
Шухăшсем
Питĕ чуна пырса тивекен сăвă...
Ĕлĕк , вуншар çул каялла , тейĕпĕр , вул...
Пĕр калаврах ĕç-пуçĕ целăй романлăх !!!
Мана питĕ килĕшрĕ...
Вуланă ...
Енчен те " кĕрхи кунсем иртмеççĕ кăлăх"п...
Тем, сăвăн тĕллевне ăнланаймарăм, каçарă...
Ара , криминал та ку ! Çавăнпа та КУЛĂШЛ...
"Виççĕмĕш страница çитсен сасăпах кулкал...
Питĕ килĕшрĕ ...