Çăлтăр-пикеçĕм


Ăçта эсĕ, çăлтăр-пикеçĕм,

Ăçта эс çӳретĕн паян?

Шăрçа куçусем санăн камшăн çиçеççĕ,

Кампа чун уçса калаçан?

 

Хушса юрламалли:

Эс — çăлтăр, эс — çăлтăр, пикеçĕм!

Пĕр эсĕ çеç ман чĕрере.

Савниçĕм-пикеçĕм, чун савнă чĕкеçĕм,

Санран хитри çук тĕнчере!

 

Сана тĕлĕкре час куратăп,

Курмастăп, анчах, пурнăçра.

Чунран юратас ĕмĕтпе пурăнатăп,

Каймастăн эс ман пуçăмран.

 

Çурать çеçкине шурă çĕмĕрт,

Пире парнелет илемне.

Татасчĕ, пикеçĕм, пĕрле ĕмĕр-ĕмĕр

Çав çĕмĕртĕн çеçкисене!

add comment Çĕнĕ комментари хуш


Ят:
Хăвăр шухăша çырса пĕлтерĕр:

Ă ă Ĕ ĕ Ç ç Ÿ ÿ Ӳ ӳ « ... »
Хаклав:
Шухăшĕ:
Чĕлхе илемлĕхĕ:
Содержанийĕ: