Каç пулттипе


Тавралăха сăнарăм тахçанччен,

Каç ĕнтрĕкĕ хупларĕ ерипен.

Пĕр шăпчăкĕ юрларĕ темĕнччен,

Кĕтӳçĕ те çӳрерĕ килĕрен.

 

Выльăхĕсем саланчĕç килелле,

Хĕрарăмсем, ав, тухрĕç витрепе.

Кушакĕсем юлмарĕç вĕсенчен,

Сĕт шăршине татмарĕç умĕнчен.

 

Ял шăпланман-ха çаплипех:

Мишша пичче уттарчĕ çемйипех

Тури каса, хăй тытнă кĕслине.

Наçтаç аппа ал панă ачине.

 

Ав, çамрăксем лараççĕ лапамра.

Юрри-ташши те пулĕ урамра.

Сар кайăкĕ итлейĕ киленсе,

Тăмани те саламлĕ тĕлĕнсе.

 

Каç пулттипе тĕнче чăнах ĕлккен,

Илемĕ те пурах иккен тĕнчен.

Вăрттăнлăхне курас тесех сĕмлен,

Каç чаршавне курмашкăн ĕмĕтлен.

Вулавçăсен шухăшĕ Вулавçăсен шухăшĕ


Алевтина Димитриева (2011-03-22 14:44:07):

Наташа! Эсĕ пултаратăн! Маттур! Ĕçле, хайла, çĕнтер!!!

Чĕлхе илемлĕхĕ: илемлĕ | Шухăшĕ: вăйлă | Содержанийĕ: тарăн

 

add comment Çĕнĕ комментари хуш


Ят:
Хăвăр шухăша çырса пĕлтерĕр:

Ă ă Ĕ ĕ Ç ç Ÿ ÿ Ӳ ӳ « ... »
Хаклав:
Шухăшĕ:
Чĕлхе илемлĕхĕ:
Содержанийĕ: