Галина Кĕмĕл

Алина Тайпи | Сăвă | 1998 | Тăхăрьял | Элшел | 450


Сăвăç — пике, Галина Кĕмĕл,

Ентешсемшĕн эс — таса кĕмĕл,

Элшел ялĕн хитре шăпчăкĕ,

Çурхи кĕмĕл ландыш чечекĕ.

 

Кĕмĕл шывĕпелен çыратăн,

Чуна тивекен сăввусене.

Капитан-мĕн эс шутланатăн,

Пуçаратăн милици ĕçне.

 

Пурăнатăн эс Шупашкарта,

Тăхăрьял тăрăхĕнчи чечек.

Çут кĕмĕлĕн ялан ялтăртат,

Ирхи кĕмĕл сывлăм пĕрчи пек.

 

Пĕр систермесĕр, ватлăх çитсен,

Çӳçӳсем санăн кĕмĕлленсен,

Çырăнччĕрех кĕмĕл сăвăсем,

Мăнаçланччĕр тус-тăванусем.

add comment Çĕнĕ комментари хуш


Ят:
Хăвăр шухăша çырса пĕлтерĕр:

Ă ă Ĕ ĕ Ç ç Ÿ ÿ Ӳ ӳ « ... » —
Хаклав:
Шухăшĕ:
Чĕлхе илемлĕхĕ:
Содержанийĕ: