Ан ӳкĕнĕр!

Ан ӳкĕнĕр пĕччен юлсассăн,

Ан ӳкĕнĕр тăван нумай пулсан.

Ан ӳкĕнĕр туссем çумра тăрсассăн,

Ан ӳкĕнĕр пушшех те тусăр çук пулсан.

Ан ӳкĕнĕр сиртен кулсассăн,

Ан ӳкĕнĕр шеллев чуна çурсан.

Ан ӳкĕнĕр килпетсĕр ĕç тусассăн,

Ан ӳкĕнĕр чĕре тарăхупа тулсан.

Ан ӳкĕнĕр илем курсассăн,

Ан ӳкĕнĕр вăл сирĕн пулмасан.

Ан ӳкĕнĕр илемсĕр, тен, пулсассăн,

Ан ӳкĕнĕр ĕненнĕ юлташу сутсан.

Ан ӳкĕнĕр савни кайсассăн,

Ан ӳкĕнĕр вăл тепринпе юлсан.

Ан ӳкĕнĕр вăлах пуян пулсассăн,

Ан ӳкĕнĕр çӳлтен, тен, сĕмсĕррĕн сурсан.

Ан ӳкĕнĕр çӳç шуралсассĕн,

Ан ӳкĕнĕр куçран куççуль юхсан.

Ан ӳкĕнĕр телей çукрах пулсассăн,

Ан ӳкĕнĕр теприн хавас сăнне курсан.

Ан ӳкĕнĕр! Кашнийĕн хăйĕн пурнăç.

Ан ӳкĕнĕр! Кашнийĕн пур илем.

Ан ӳкĕнĕр! Кашнийĕн хăйĕн тивĕç.

Ан ӳкĕнĕр! Кашнийĕн пур элем.

Çĕнĕ комментари хуш