Тĕрев

Мĕн-ши вăл кĕтнĕ тĕре¹-в

ун çине тĕренни

е хăнăхни — анчăкла — тĕкĕ пулăшăвне?.. —

шик — тĕнчене хӳмепе картлама хăтланни —

ним ăнланмасăр — лекни Шикленӳ Картине

тыткăнĕнчен — тĕмрери пек — тӳрех тухайми!.. —

(кирлĕ тĕрев — туя пек —

ун çине таянма

йывăр çулра

пархатарĕ çук мар! — пуç мими

тавçăрайсан май пур чух унпа усă курма:

ним вырăнне те хумасăр

савса чыс туса...) —

ăс ялтăркки çеç çавна —

Шикленӳ Картине —

çĕмĕрĕ...

унсăрăн — вăхăтлă хăтăлмасан

тĕкĕ пĕрмай чăрмантарĕ

алри туя пек!..

¹ Тĕре — «тĕкĕ пер, тĕрев ларт, тĕрек пар» тени.

Çĕнĕ комментари хуш