Икĕ çыран

Эп çыран ку енче,

эс çыран леш енче.

Çывăх мар, пит инçе

хушшăмăр. Ах, тĕнче!

Хушăра та шыв мар —

пирĕн иртнĕ çулсем,

Сисĕнмесĕр, шыв евĕр

юхса иртнисем.

Ах, епле çак шыв урлă

кĕпер хывмалла?

Вăй-хал çитĕ-ши? Пирĕн

пĕрле пулмаллах!

Çук, çапаймăн сăвай

шывăн тĕпĕ çукран.

Тытăнаймĕ кĕпер те

сăвай пулмасан.

Юмахри пек кĕпер

хывăттăм сан енне,

Сывлăшра çакăнса

тăракан пеккине.

Çĕнĕ комментари хуш