Шурă пуçлă урхамах...


Хĕвелтухăç хĕрелет

Тĕттĕм каçа вăл сирет

Ял-йыш ĕçе пикенет

Ырă куна систерет

 

Хĕвел тухăç çутипе

Кĕтӳ тухать уялла.

Ут утланнă кĕтӳç те

Васкать малтан малалла.

 

Шурă пуçлă урхамах

Хăйĕн вăрăм урипе

Вăхăт-вăхăт кĕçенсе

Ташлать хăйĕн ташшине.

 

Уçланки питĕ хитре,

Ырă шăршлă курăксем.

Тĕрлĕ–тĕрлĕ выльăхсем

Çӳреç ирĕккĕн хирте.

 

Кунĕ ырă пулнăран

Кĕтӳç чунĕ савăнать.

Выльăх-чĕрлĕх тутăран

Ял еннелле пăхкалать.

 

Пушă сасси илтĕнет

Часах яла анмалла.

Выльăх та çакна сисет

Пуçтарăнать лапалла.

 

Ăслă выльăх урхамах

Пĕрре пăхсах ăнланать.

Кĕтӳç пушша йăтсанах

Лапамалла чуптарать.

 

Çӳлте тӳпе кăн–кăвак

Унта тăри юр юрлать.

Хĕвел аннă анманах

Кĕтӳ ялалла васкать.

 

Кĕтӳ шăвать ялалла

Хăйĕн майлă уттипе

Пуçтарать вăл ял-йыша

Вара хытă сассипе

 

Пĕчĕк ача Сентти те

Кĕтӳ тавра чупкалать.

Шурă кăтра путекне

Шăхличпе вăл йыхăрать

 

Çавра уйăх тӳпене

Хăй çутипе хупларĕ.

Кĕвентеллĕ пикепе

Илемлетме манмарĕ.

Вулавçăсен шухăшĕ Вулавçăсен шухăшĕ


зинаида чанова( искендерова) (2013-04-17 15:25:16):

я родом из Большой -Аксы=ЖИВУ В ХМАО-ханты -мансийский автономный округ=пиши стихи еще -буду читать..ТАВТАПУС

 

Agabazar (2013-04-17 21:25:41):

Большая Акса. Тутарстанри Çĕпрел районĕнчи чăваш ялĕ. Аслă Аксу.

 

add comment Çĕнĕ комментари хуш


Ят:
Хăвăр шухăша çырса пĕлтерĕр:

Ă ă Ĕ ĕ Ç ç Ÿ ÿ Ӳ ӳ « ... »
Хаклав:
Шухăшĕ:
Чĕлхе илемлĕхĕ:
Содержанийĕ: