Арăм çавăрса лартать

Петĕр Ялгир | Юрă | арăм | 414


— Авланас пулать сан, ывлăм,

Эсĕ ĕнтĕ çирĕмре, —

Йăл кулса атте каларĕ

Вутă татнă чух пĕрре.

 

— Авланма юрать вăл, — терĕм. —

Çĕнĕ пӳрт эс хатĕрле.

Кантăкне çеç кăнтăра мар,

Кастарар çурçĕрелле.

 

Аллине атте шарт çапрĕ,

Тĕлĕнсе ыйтать манран:

— Мĕншĕн çурçĕре пăхасшăн,

Пăрăнасшăн çутăран?

 

— Арăм пултăр, йăлт майланĕ, —

Эп пăчка хуллен туртап. —

Арăм çавăрса лартать вăл

Тепĕр майлă пӳрт-çурта.

add comment Çĕнĕ комментари хуш


Ят:
Хăвăр шухăша çырса пĕлтерĕр:

Ă ă Ĕ ĕ Ç ç Ÿ ÿ Ӳ ӳ « ... » —
Хаклав:
Шухăшĕ:
Чĕлхе илемлĕхĕ:
Содержанийĕ: