Лавпа ăсатнă вĕсене


Вăрçăра пуçне хунă пĕр тăван Петр, Владимир, Николай Мадярковсене халаллатăп.

 

Хаяр вăрçă пуçланать.

Тăшман сĕмсĕр тапăнать.

Пирĕн халăх кар тăрать,

Нимĕçе касса татать.

Ашшĕ вăрçăра вилет.

Кукаç тăлăх çитĕнет.

Пĕр хаяр çапăçуран

Ашшĕ сывă тухайман.

Ман кукамăн ашшĕ те

Вăрçăран таврăнайман.

Харьков хули патĕнче

Ун виллине тупайман.

Мамак лавпа ывăлсене

Ăсатнă Çĕмĕрлене.

Пĕр çул пĕрне, теприне,

Юлашкинчен виççĕмĕшне.

Сывпуллашнă лашипе,

Лăплантарнă амăшне.

Шантарнă сывă юласса

Çĕнтерӳпе таврăнасса.

Виçĕ туслă пĕр тăван

Виççĕшĕ те таврăнман.

Петĕр, Володь, Микулай —

Никама манса ан кай!

Кăвак çутă тӳпере

Сарă хĕвел ялкăштăр.

Ялти кашни çемьере

Ачи-пăчи сыв пултăр.

Ан пултăр вăрçă нихăçан,

Нихçан ан тапăнтăр тăшман!

Мирлĕ пурнăç савăнтартăр,

Халăх чĕрине кантартăр.

Вулавçăсен шухăшĕ Вулавçăсен шухăшĕ


Г.В. Зотова (2010-11-11 19:54:03):

Ирина конкурса юмах кăна мар, сăвă та тăратнă. Ирина, малашне те вулакансене хайлавусемпе савăнтар.

Чĕлхе илемлĕхĕ: илемлĕ | Шухăшĕ: вăйлă | Содержанийĕ: тарăн

 

Ваня (2010-11-23 17:52:09):

Сăвă чуна пырса тивет. Малашне те çавăн пек çырсан питĕ аван.

Чĕлхе илемлĕхĕ: илемлĕ | Шухăшĕ: вăйлă | Содержанийĕ: тарăн

 

Ираида (2014-12-16 08:29:43):

Вăрçă теми чуна хускатать, йĕртет. Çамрăксем несĕлсене пĕлни, вĕсене асра усрани савăнтарать. Иринăн пуян чунĕ пулас ачисемпе мăнукĕсене те ÇЫН пулма хистĕ.

 

add comment Çĕнĕ комментари хуш


Ят:
Хăвăр шухăша çырса пĕлтерĕр:

Ă ă Ĕ ĕ Ç ç Ÿ ÿ Ӳ ӳ « ... »
Хаклав:
Шухăшĕ:
Чĕлхе илемлĕхĕ:
Содержанийĕ: