Урхамахсем тăраç тăпăртатса
Урхамахсем тăраç тăпăртатса,
Инçе çула тухма васкаса.
Çамрăк мăшăр çĕн пурнăç пуçлать ав,
Кӳме пур-и сан, хатĕр-и лав?
Çил çунатлă пулех урхамахсем,
Çилхи вĕçĕ вĕçет инçете.
Ăмсанаç вĕсене яш юпахсем,
Çул памаççĕ, халь пит те пиçет.
Ланчак-ха, çамрăкрах, мĕн тăвайăн,
Ут пуласси пурах вĕсенче.
Кĕç ыткăнĕç вĕсем çиле майăн,
Савăнтарĕç пире туйсенче.
Ку мăшăр шур ăйăр шырать мар-и
Туй-çуйне уявлать çĕнĕлле.
Шух юпах-и, ланчак–и, тиха-и,
Юрттăр çеç ырă пурнăç енне.
Урхамахсем тăраç тăпăртатса,
Çĕн çемьешĕн чунтан савăнса.
Тĕп парнийĕ пулчĕ пони-лаша,
Тĕлĕнтермĕш ут вăл тамаша!
Вулавçăсен шухăшĕ
Çĕнĕ комментари хуш
иван (2010-11-07 09:59:11):
Туя ĕлĕкхилле ирттерме тётёшни питĕ пархатарлă.Çакёншăн Зойăна ырламалла çеç,вăл мухтава тивĕçлĕ.
Наташа (2010-11-07 10:05:49):
Зоя! Сирĕн сăввăр питĕ килĕшрĕ. Чăнах та çамрăксем туя çăмăл машинасемпе ирттерсе йăлăхрĕç. Мĕнле илемлĕ пулĕччĕ Эсир каланă пек шур ăйăрпа кӳме çинче çĕн мăшăр.
Надя (2010-11-07 12:10:53):
Ку сăвăра лаша сăмахăн мĕн чухлĕ синонимне пĕлтĕм.Тавах,Зоя.Чĕлхӳ çемçе. илемлĕ.Ăнăçу сана!
Вася (2010-11-07 12:12:52):
Мĕн чухлĕ çĕнĕ сăмах пĕлтĕм сăвăра.Лаша пирки иккен пурте, ăнланмалла. Хитре чĕлхепе çырни савăнтарать.Малашне те Сире çакăн пек лайăх хайлавсем çырма ыр сунатăп.
Лариса (2010-11-07 12:19:47):
Питĕ илемлĕ сăвă. Чуна пырса тивекен сăмахсем. Автора илемлĕ сăвăш пысăк тав.
Люда (2010-11-08 14:24:31):
Тапăртатса мар,тăпăртатсах тăраççĕ Зойăн урхамахĕсем.Чăннипех те тĕрĕс, лаша туя васканă чухне тăпăртатать вăл-ташлать.Питĕ аван сăвă.