«Эсĕ мар-и вара юнашаррăн утсаттăн...»
2
Эсĕ мар-и вара юнашаррăн утсаттăн
Хăйпăлкка хĕрринчи шур юра йĕрлесе?
Кăпăш тумлă шап-шурă черченкĕ мăн садăн
Илемне ăнланаттăмăр иккĕн пĕрле.
Куçăмран тинкерсе эсĕ мар-и калаттăн
Мĕн тери ăшăран ăшăрах сăмахсем?
Нартукан каçĕнче эс мана саламлаттăн —
Халь ăçта-ши вара çав мерчен-ахахсем?
Анкарти çуммине кăпăш юр сапăнсассăн
Эс тухмарăн тепре йăлт пĕле тăркăчах —
Хăйпăлкка хĕррипе халь утатăп хăраххăн,
Пĕчченçи ӳпкелетĕп çак капăр каçа.
Эс мĕн-ма килменни маншăн вăрттăнлăх мар-тăр:
Урăх çул юппинче тĕлпулу сан паян...
Анкартиллĕ пахча пурпĕрех капăрлантăр,
Ман пекех ыттисем ăна савччăр ялан!
1961, раштав, 30.
Урмаел — Шупашкар.
Шухăшсем
Hiring https://contractorfinder...
Hiring https://contractorfinder...
Ĕлĕк , вуншар çул каялла , тейĕпĕр , вул...
Пĕр калаврах ĕç-пуçĕ целăй романлăх !!!
Мана питĕ килĕшрĕ...
Вуланă ...
Енчен те " кĕрхи кунсем иртмеççĕ кăлăх"п...
Тем, сăвăн тĕллевне ăнланаймарăм, каçарă...
Ара , криминал та ку ! Çавăнпа та КУЛĂШЛ...
"Виççĕмĕш страница çитсен сасăпах кулкал...