Лантăшсем

Анна Никонорова | Юрă | лантăш | 458


Лантăш ӳсет вăрманта,

Вăрманта та, сулхăнта.

Эп кĕтетĕп савнине

Вăрманти лантăшпалан.

 

Хушса юрламалли:

Лантăшсем, лантăшсем —

Шурă пĕчĕк чечексем.

Лантăш чечекне юратсах,

Иртет ĕмĕр, тантăшсем.

 

Кĕтеп эпĕ çулсерен,

Лантăш ӳснĕ вăхăта.

Вăрмантан лантăшпалан,

Килĕ савни ман пата.

 

Хушса юрламалли.

 

Иртрĕç пиртен, тантăшсем,

Лантăш ӳснĕ вăхăтсем.

Лантăш чечекне курсан

Пăчăртанаç куççульсем.

 

Хушса юрламалли.

add comment Çĕнĕ комментари хуш


Ят:
Хăвăр шухăша çырса пĕлтерĕр:

Ă ă Ĕ ĕ Ç ç Ÿ ÿ Ӳ ӳ « ... » —
Хаклав:
Шухăшĕ:
Чĕлхе илемлĕхĕ:
Содержанийĕ: