«Юрлать сар кайăк çепĕç юррине...»
Юрлать сар кайăк çепĕç юррине,
Çак вăхăтра тĕнче епле илемлĕ!
Манса каятăп хурлăх пуррине,
Иленнĕ кăмăл — уявлать, телейлĕ.
Киленĕçĕ самантлăха пулин,
Самантлăхшăн пайтах эп хĕпĕртетĕп.
Асамлă сасă юхăмне кĕтетĕп,
Пĕрех тăхтатăп сывлама туллин.
Сар кайăк юррине ăçтан вăй тулнă —
Çакна чылайăшĕ пĕлесшĕн пулнă,
Анчах никам çук теплĕн калакан.
Чипер тасалăха чунпа сăнанăн
Танлаштару тахçан тупса хăварнă:
Сар кайăкпа тан юрă юрлакан.
Шухăшсем
Большое спасибо! Это является потрясающ...
Вау, привлекательно веб-сайт...
Вау, привлекательно веб-сайт...
Вау, привлекательно веб-сайт...
Вау, привлекательно веб-сайт...
Вау, привлекательно веб-сайт...
Питĕ чуна пырса тивекен сăвă...
Ĕлĕк , вуншар çул каялла , тейĕпĕр , вул...
Пĕр калаврах ĕç-пуçĕ целăй романлăх !!!
Мана питĕ килĕшрĕ...