Тарса пытанчĕ Уйăх

Георгий Никитин | Сăвă | 310


Уйăх та тарса пытанчĕ пĕлĕт хыçнелле,

Таврана хупларĕ шăплăх — чун çӳçенмелле.

Сарă кайăксем шăпланчĕç, юрă илтĕнмест,

Чĕрере кăварлă туйăм пурпĕрех сӳнмест.

Эсĕ, тен, çӳретĕн кĕçĕр урăх каччăпа,

Çав тери савăнтаратăн ăшă куллупа.

Алăри чечек çыххийĕ типĕ ыранччен,

Чĕрери асаплă хурлăх пырĕ вăрахчен...

add comment Çĕнĕ комментари хуш


Ят:
Хăвăр шухăша çырса пĕлтерĕр:

Ă ă Ĕ ĕ Ç ç Ÿ ÿ Ӳ ӳ « ... » —
Хаклав:
Шухăшĕ:
Чĕлхе илемлĕхĕ:
Содержанийĕ: