Этем тăшманĕ

Вячеслав Круглов | Сăвă | 2008 | эрех | 453


Тем тумалла Эрхипе

Ытла туслă эрехпе.

Ĕçет эрни-эрнипе

Ĕçкĕ чирĕ ернипе.

Шăлне шаккать кашкăрла,

Тăр-тăр! кăна чĕтретсе.

Арăмне вăл кăшкăрать:

— Ăçта хутăн чĕресе?

Иртни тата юлман-ши?

Паян сыпăп юлашки.

Пар-ха, кăштах, вилесрен,

Илме килчĕ пуль эсрел.

Эрех юхать пăрăхран

Четвĕрт тулать тумламран.

Сисмест этем, элчелне

Парать эрех аллине.

Ĕçсен пурнăç çуталать,

Усал çапла улталать.

Ан ĕç, шуйттан куççульне

Ан тăс эсрел кун-çулне.

add comment Çĕнĕ комментари хуш


Ят:
Хăвăр шухăша çырса пĕлтерĕр:

Ă ă Ĕ ĕ Ç ç Ÿ ÿ Ӳ ӳ « ... » —
Хаклав:
Шухăшĕ:
Чĕлхе илемлĕхĕ:
Содержанийĕ: