«Эрне иртрĕ, мунчана...»
Ăшши – шала, йӳççи тула
(Ваттисен сăмахĕ)
Эрне иртрĕ, мунчана
Хутса хучĕ те чăваш.
Ӳте çăвĕ мунчала,
Ăшши пар-ха, пăш та паш!
Сиплĕ çĕнĕ милĕкпе
Ăшалам-ха ӳт-пĕве.
Çапăçам-ха кирĕкпе,
Çан-çурăма, эх, тĕвем!
Çăтти-çатти, çат-çат-çат!
Такмакне атте пуçлать.
— Амак тартăр аякка,
Ӳт-тир юлтăр яп-яка.
Çăтти-çатти, çат-çат-çат!
Милĕкĕ ӳте çапать.
Явăнать ăшши-пăшши
Мунчара — вĕри ăрши.
Эп кĕтеп эрне хушши
Çакă çăтмах-ырлăха,
Имĕ-симĕ — пыллăха.
Мунчаран сипли пур-ши?
Шухăшсем
Hiring https://contractorfinder...
Hiring https://contractorfinder...
Ĕлĕк , вуншар çул каялла , тейĕпĕр , вул...
Пĕр калаврах ĕç-пуçĕ целăй романлăх !!!
Мана питĕ килĕшрĕ...
Вуланă ...
Енчен те " кĕрхи кунсем иртмеççĕ кăлăх"п...
Тем, сăвăн тĕллевне ăнланаймарăм, каçарă...
Ара , криминал та ку ! Çавăнпа та КУЛĂШЛ...
"Виççĕмĕш страница çитсен сасăпах кулкал...