Ылтăн самана

Анатолий Май | Сăвă | 481


Ушкăнра чух хирĕç тĕл пулсассăн,

Пĕр сăмах та ан кала мана.

Куçупа пăхса йăлл! çеç кулсассăн —

Çитрĕ маншăн ылтăн самана.

 

Уявра чух хавхаланнă халăх

Ал çупса кĕтсе илет сана.

Юрă шăрататăн савăнмалăх —

Çитрĕ маншăн ылтăн самана.

 

Хăнара чух сан çине пăхмастăп,

Эп çапах ялан санпа кăна.

Çывăхрах е хирĕçе ларсассăн —

Çитрĕ маншăн ылтăн самана.

 

Çăлтăрлă çулпа, тул çутăлсассăн,

Лăпкă çил çитерчĕ саламна.

Эп ăна кĕтеттĕм куç хупмасăр —

Çитрĕ маншăн ылтăн самана.

add comment Çĕнĕ комментари хуш


Ят:
Хăвăр шухăша çырса пĕлтерĕр:

Ă ă Ĕ ĕ Ç ç Ÿ ÿ Ӳ ӳ « ... » —
Хаклав:
Шухăшĕ:
Чĕлхе илемлĕхĕ:
Содержанийĕ:

Шухăшсем