«Ял çумĕн сукмака куçлаймăп...»


Ял çумĕн сукмака куçлаймăп,

Кураймăп тӳпемри çурта,

Ачаш асамлă улăх-айлăм

Илсе тухаймĕ тек унта.

 

Çырла татма çӳренĕ вăхăт

Асра çеç юлĕ асăнма.

Шухăшăмра чечек те пухăп,

Хамра шырайăп сан сăнна.

 

Ятарласа майланă çыхă

Пулмасăрах сан алăра —

Тахçанхиллех, эрленнĕ хыççăн —

Ӳксе çухалĕ авăра.

 

Пуçа пĕксе калла уттарăп,

Хурланăп çамрăк хăртнăра...

Ан пултăрччĕ çеç эрлĕ тарăх

Хушша инçе çул выртнăран.

add comment Çĕнĕ комментари хуш


Ят:
Хăвăр шухăша çырса пĕлтерĕр:

Ă ă Ĕ ĕ Ç ç Ÿ ÿ Ӳ ӳ « ... »
Хаклав:
Шухăшĕ:
Чĕлхе илемлĕхĕ:
Содержанийĕ: