Мĕн вăл юрату


Пбр хĕр çӳçне саратнă, кăпкалатнă,

Çӳхе тути çинче сăр — кĕп-кĕрен.

Шур кăкăрне çурри таран кăтартнă,

Купарчине силлет пусмассерен.

 

Пăхма — чуна çĕклет, тӳрех калатăп,

Ик куç харши — ик пĕкĕ — хуп-хура.

Сăнатăп чарăнса — ыран манатăп.

Эп ăнланмастăп пуль юратура?

 

Теприн пит-куçĕ — амăш панă тĕсĕ,

Çӳçне йӳле вăл янă — шывсикки.

Юхать шур акăш евĕр. Хыççăн эсĕ

Пăшăлтататăн: «Пирĕшти иккен».

 

Тĕллерĕ куçĕпе — чун хĕвелленчĕ,

Хĕм-сĕлкĕш сĕртенчĕ чун хĕлĕхне,

Вăй-халăм çĕтрĕ, юнăм вĕриленчĕ...

Ыйха шыратăп халĕ каçсерен.

 

Ик сарпики те хӳхĕм те ятуллă...

Пуçра ман пăтранать халь пĕр ыйту

(Ун тупсăмне пĕлсен — телейлĕ пулăп);

Мĕн япали вăл чăн-чăн юрату?..

Вулавçăсен шухăшĕ Вулавçăсен шухăшĕ


ЮЛИЯ МАНИЭЛЬ (2011-01-29 12:36:49):

Мĕскер-ши вал Юрату?

Самрăклăхри илĕртӳ.

Тусăн шенкер куçĕсем,

Чĕвĕл-чĕкеç сăмахсем

Пахчари шăпчăк юрри,

Кĕрен чечек - улахри.

Чунăм тулли савăнăç,

Телейлĕ пуян пурнăç

Шăнкăртатса çеç тăрать

Çăлкуç евĕр вăл тапать!

Мĕскер-ши вăл Юрату?

Чун чĕрери ырату.

Йывăр-усал сăмахсем,

Çывăрайман çер-каçсем,

Пĕччен хурăн йывăççи

Типсе ларна улмуççи!

Хăрах çунат,Акăш-эп

Çĕкленĕттĕм, вĕçемеп...

Ĕмĕр шыв пекех юхать -

Тăварĕ куçа касать.

 

add comment Çĕнĕ комментари хуш


Ят:
Хăвăр шухăша çырса пĕлтерĕр:

Ă ă Ĕ ĕ Ç ç Ÿ ÿ Ӳ ӳ « ... »
Хаклав:
Шухăшĕ:
Чĕлхе илемлĕхĕ:
Содержанийĕ: