Электронлă вулавăш

5 çулта

Пийĕн умйа паян юй çунă.

Юй пĕйчисем пĕйемĕк пек.

 

10 çулта

Анне,

шур лĕпĕшсем вĕçеççĕ,

лери тăвайккине лараççĕ,

ман çунашка çулне тăваççĕ.

 

16 çулта

Пĕрремĕш юр,

пĕрремĕш юрату.

Пĕрремĕш çул,

пĕрремĕш çухату.

 

20 çулта

Юр пĕрчисем юрла-юрла юртаççĕ,

шур учĕсем пыраççĕ пуç ухса.

Тухса пăхсам, савниçĕм, курса юл,

хура кĕре качча илсе каяççĕ.

 

25 çулта

Çĕн çуна çул хыврĕ çĕн юр çийĕн,

пĕр çăвать те юрĕ, - ирĕлет.

Еплерех хывас-ши Пурнăç Çулĕ,

Шартлама та сивĕ хĕл килет.

 

30 çулта

Кĕр çитсен çĕр тăхăнать те кĕрĕк,

ултă уйăх тунсăхлатăп эп.

Хальлĕхе хĕл хĕрĕсем çеç çитрĕç,

пучахри пек хаклă пĕрчĕсем.

 

40 çулта

Шурă-шурă шухăшсем вĕçеççĕ

шурă юр пек шуххăн шăвăнса.

Те çĕн юр шуратрĕ тăнлава,

те шур шухăшсем пуль, пырса ларчĕç.

 

60 çулта

Тыр-пул пĕрчи пек теççĕ пурнăçа,

пĕр пĕрчĕрен пулатпăр пин.

Тыр пуласси килет юр-çумăртан,

этем шăпи – пĕр хамăртан кăна.

 

Юлашки хут

Мăнукăм кур-ха шур юра,

ун пĕрчисем пĕремĕк пек,

шур лĕпĕш пек, шур евчĕ пек,

тăнлав çинчи шур шухăш пек.

Кăвак хуппи хупăнасса

хыпарлакан хыпарçă пек…

 

Тап-тап-тап чупса кайрĕ мăнукĕ çĕнĕ юр тăрăх. Ун хыççăн ура йĕрĕсем юлчĕç, пĕчĕкçеçĕ ура йĕрĕсем.

Ан кулян, кукаçейĕм! Çунă юра хытарма, хăвăн çулна çĕнетме çĕнĕ урасем çитĕнеççĕ. Вĕсем çĕр çинче тĕрек тупаççех.

 

3.11.1973.

Ят:
Хăвăр шухăша çырса пĕлтерĕр:

Ă ă Ĕ ĕ Ç ç Ÿ ÿ Ӳ ӳ « ... » —

Хаклав:

Шухăшĕ: --...вăйсăр...мухтамаллах   мар...вăйлă
Чĕлхе илемлĕхĕ: --...илемсĕр...чаплах   мар...илемлĕ
Содержанийĕ: --...ăшах...вăтам...тарăн