Пуç таятăп

Алексей Зайцев | Сăвă | 634


Эп пуç таяп вăрçа кайнисене,

Вута вутпа çĕнме тухнисене.

Вĕсем фашистсенчен пач шикленмен,

Хаяр тăшман айне пулас темен.

 

Эп пуç таяп тылра пулнисене,

Çĕршывшăн йывăр чух тӳснисене,

Куна манса тарне тăкнисене,

Çĕнтерĕве тума вăйне панисене.

 

Эп пуç таяп ăсчах ăстасене,

Çĕн хĕç-пăшал кам тунă — çавсене,

Хальччен пулман хăват тупнисене,

Фрицсен чунне шарах ватнисене.

 

Эп пуç таяп чи-чи çӳлтисене,

Пире хĕн-терт пайтах кӳнисене.

Çĕнтерĕве епле-ха тумалла? —

Ырра пĕлме нуша та курмалла.

 

Эп пуç таяп паян куççулĕпе,

Чылай çын ир куç хупнине пĕлеп.

Калас килет пуçра мĕн пулнине:

Тăван çĕр тек ан куртăр тӳснине!

add comment Çĕнĕ комментари хуш


Ят:
Хăвăр шухăша çырса пĕлтерĕр:

Ă ă Ĕ ĕ Ç ç Ÿ ÿ Ӳ ӳ « ... » —
Хаклав:
Шухăшĕ:
Чĕлхе илемлĕхĕ:
Содержанийĕ: