Çичĕ хĕр те пĕр хусах

Петĕр Ялгир | Шӳтлĕ сăвă | 680


Çур аки эпир тăватпăр,

Тыр акатпăр тăрăшсах.

Пĕр бригадăн икĕ трактор,

Çичĕ хĕр те пĕр хусах.

 

Сухалатпăр ăмăртуллăн,

Маларах тухас тесе.

Васкаса акатпăр тулă

Такмакпа пехиллесе.

 

Тунсăхпа вилместпĕр эпĕр,

Пур тальянка та баян.

Баянне тăсать Хĕветĕр,

Купăсне вара — Татьян.

 

Çичĕ хĕр эпир саватпăр

Пĕртен пĕр бригадира.

Тен, юласшăн вăл хусах-тăр?

Ют ялта-и, тен, шырать?

 

Эх, ейпух, йăлăхтарман-ши

Хусахла кун-çул ăна?

Ĕç пĕтсен, Наçтук е Маша

Пурпĕр илĕç тыткăна.

 

Юрама ăна шутлатпăр,

Тек тимлетпĕр ăмăртса.

Тĕплĕ пур ĕçе тăватпăр

Ташласа та юрласа.

 

Председатель те паллашрĕ

Пирĕн йыш ĕçĕпеле.

— Ку уй, — тет, — ыр тухăç парĕ

Музыка кĕввипеле.

add comment Çĕнĕ комментари хуш


Ят:
Хăвăр шухăша çырса пĕлтерĕр:

Ă ă Ĕ ĕ Ç ç Ÿ ÿ Ӳ ӳ « ... » —
Хаклав:
Шухăшĕ:
Чĕлхе илемлĕхĕ:
Содержанийĕ:

Шухăшсем