Çуна праçникĕ...

Георгий Ефимов | Сăвă | çуна праçникĕ | 704


Çуна праçникĕ... çуна праçникĕ —

Телĕнмелле уяв.

Яш-кĕрĕм пĕрерĕн е иккĕн

Тухма тытăнать вăййа.

 

Çуна уявĕ иртсессĕн,

Тухаймăн эс çунапа.

Савни ют ялта кĕтсессĕн, —

Утаймăн шыв-шурлă çулпа.

 

Утаймăн...

Ним те тăваймăн.

Тăхта, эппин, ыр тĕлпулу.

Шăнкăртатса янратмĕ

Илĕртекен куллу.

 

Çĕр типĕ. Ем-ешĕл курăк

Чĕнĕ тухмашкăн çула.

Сана пирĕштийĕн курăп:

Ыталăп чăн-чăн паттăрла.

 

Утăпăр уйăх айĕн

Хĕвел шевлисем выличчен.

Калаçмалли нумай-мĕн... —

Пурнайăп-ши эп каçчен.

 

Çуна праçникĕ...

Яшлăх

Тухасшăн хĕрӳ акана...

Питравра анне тухасшăн

Килме сан патна

Хăнана.

 

Савни пуçне пĕкрĕ. Йăл кулчĕ:

«Ах, кирлĕ мар васкама...»

Пире вăрман урлă курчĕ

Хĕвел, васкаса тухнă май.

add comment Çĕнĕ комментари хуш


Ят:
Хăвăр шухăша çырса пĕлтерĕр:

Ă ă Ĕ ĕ Ç ç Ÿ ÿ Ӳ ӳ « ... » —
Хаклав:
Шухăшĕ:
Чĕлхе илемлĕхĕ:
Содержанийĕ: