Каларăшсем
«Ыр ут çынна таптамасть,
Ыр çын çынна хурламасть»,
Тенине пĕлет Хумма,
Пурпĕр хурлать хăть кама.
«Çын валли шăтăк ан чав.
Лекĕн, теççĕ, ху унта».
Çакна пĕлнипех Питрав
Çĕр айне чикет Тита.
«Ик мулкача йĕрлекен
Пĕрне те тытайман», тет.
Çакна шеп пĕлсех Евген
Пур ĕçе те кӳлĕнет.
«Ан мухта хăвна, тет Ял,
Мухтаччăр çынсем сана».
Пурпĕрех çӳрет Миххал
Мухтаса хăйне кăна.
«Каймăн ултавпа инçе»
Тенине пĕлсе тăрсах,
Улталать тек Униççе,
Уямасть те намăса.
«Васкакан вакка сикет»
Тенине илтмен-ши Влас?
Пĕрмаях чупса çӳрет,
Такăнса ӳкет час-час.
«Пĕччен йывăç час ӳкет»,
Нил çакна шута илмест.
Пĕчченех ялан çӳрет,
Тус тупмашкăн сĕмленмест.
Шухăшсем
Чылай пулманччĕ капла шухăшлаттаракан, к...
Хыçалтан вулама пуçласа пăх-ха тепринче
Вĕсем вăхăтлăха кăна...
Тĕрĕс калатăр Галина З...
Кунта реклама кĕрсе кайнă, укçа туса илм...
Hey there, Are you still using ch...
Phyllis, do you think they got money for...
Митюк, куçне автан çинчен илмесĕр, ашшĕ ...
Hello, Are you still using chuvas...
Пĕрремĕш йĕркесенченех паллă пулчĕ калав...