Улăхĕпе-улăхĕпе

Юрий Скворцов | Сăвă | 533


Улăхĕпе-улăхĕпе çӳрерĕм,

Сан сăну пек чечек шыраса.

Тин çуралнă мăкăнь шăп сан пек,

Çеçки çинче сывлăм — куллу пек.

Татса илес терĕм — каçарах —

Ма тататăн терĕç сывлăмлах.

 

Пахчипеле-пахчипеле çӳрерĕм,

Сан куçу пек çырла шыраса.

Пиçсех çитмен çĕмĕрт куç пекех,

Санăнни пек хăмăр тĕслĕрех.

Татса илес терĕм — каçарах —

Ма тататăн терĕç хăмăрлах.

 

Çĕрĕпеле-çĕрĕпеле çӳрерĕм,

Саншăн ăшă сăмах шыраса.

Чунăм теес — чунна витеймест,

Тусăм теес — хăю çитеймест,

Калаттăм пуль калас сăмахах

Пулнă пулсан эс хам тантăшах.

add comment Çĕнĕ комментари хуш


Ят:
Хăвăр шухăша çырса пĕлтерĕр:

Ă ă Ĕ ĕ Ç ç Ÿ ÿ Ӳ ӳ « ... » —
Хаклав:
Шухăшĕ:
Чĕлхе илемлĕхĕ:
Содержанийĕ:

Шухăшсем