Çуркунне сукмакĕпе утатăп...

Виталий Шемекеев | Сăвă | 350


Çуркунне сукмакĕпе утатăп,

ирĕк те чечен

ирхи тĕнче.

Савăнатăп,

пурнăçа саватăп

çуркунне пурришĕн çĕр çинче.

 

Çăлтăрсен çут кĕмĕлне пухатăп,

шăпчăксем юрлаççĕ

ĕшнере.

Савăнатăп,

пурнăçа саватăп

çăлтăрсем çуннишĕн тӳпере.

 

Савнине «савни» тесе калатăп,

хам сăна курса

ун куçĕнче.

Савăнатăп,

пурнăçа саватăп

юрату пурришĕн çĕр çинче.

add comment Çĕнĕ комментари хуш


Ят:
Хăвăр шухăша çырса пĕлтерĕр:

Ă ă Ĕ ĕ Ç ç Ÿ ÿ Ӳ ӳ « ... » —
Хаклав:
Шухăшĕ:
Чĕлхе илемлĕхĕ:
Содержанийĕ:

Шухăшсем