Мăшăр тени мĕн тени


Мăшăр тени мĕн тени, —

Çумра арçын пур тени.

Юратупа пĕрлешсе

Пĕр çăмхана явăнни,

Пĕрне-пĕри итлесе

Килĕштерсе пурăнни.

 

Мăшăр тени мĕн тени, —

Çумра хӳтлĕх пур тени.

Ĕшенсессĕн тайăнма

Юман вырăнне пулни,

Ăшшăн тытнă ытамра

Ачашланма май пурри.

 

Мăшăр тени мĕн тени, —

Çумра шанчăк пур тени.

Çирĕп сывлăхлă пулса

Ăрăва вăй-хал пани,

Çут пуласлăха курса

Хавасланса пурăнни.

 

Мăшăр тени мĕн тени, —

Çумра ырлăх пур тени.

Ватлăхра та киленсе

Пурнăçа хыт юратни.

Ачасене ӳстерсе

Пĕрле ĕмĕр вĕçлени.

add comment Çĕнĕ комментари хуш


Ят:
Хăвăр шухăша çырса пĕлтерĕр:

Ă ă Ĕ ĕ Ç ç Ÿ ÿ Ӳ ӳ « ... »
Хаклав:
Шухăшĕ:
Чĕлхе илемлĕхĕ:
Содержанийĕ: