Электронлă вулавăш

Тӳснĕ, чăтнă, курнă çав

Тутлине те, йӳççине те.

Тем тесен те пурнăçа

Ырлăх-сывлăх çеç çĕнетĕ.

 

«Çĕнетӳ!» тесе тепри

Кăкăра çапмашкăн чĕрĕ.

Ăшĕнче вара çĕпри

Курайманлăхпа çеç хĕрĕ.

 

Çумласан та анана,

Юлкалать пиçен тымарĕ.

Пачĕ çын сăмах — ăна

Халăх умĕнче тытмарĕ.

 

Акă кам вăл — тал пиçен! —

Ыр чечек пек курăнасшăн:

Эс хуран вăй-хал — пиçен! —

Янтăпа вăл пурăнасшăн.

 

Пурăнасшăн хăйшĕн çех —

Куçĕ выçă харам пырăн.

Шухăшлать-ха ăшĕнче:

«Ман пата çитеймĕç ыррăн».

 

Тĕнче тĕрлĕ тенĕрен

Хăраса никам ан лартăр:

Çуралаймăн çĕнĕрен —

Чун-чĕре вут-хĕм кăлартăр!

 

Халăх пурнăçне асран

Кăларан этем — этем-и?!

Ӳкнĕ-тайăлнă ăсран,

Тĕрĕсех тĕк: вăл йӳтенĕ.

 

Ун пеккин тымар типет,

Çимĕçне вил хурчĕ ернĕ:

Пыраймасть сĕткен-сипет, —

Вăл ăна хăех пĕтернĕ.

 

Çавăнпа та кĕрешӳ

Ырлăх-сывлăхшăн пулсассăн, —

Ĕрлешӳ те пĕрлешӳ

Урнă пек çӳреймĕ кассăн.

 

Эпĕ — халăх умĕнче:

Ĕненет пулсассăн халăх, —

Тĕнчен тĕрлĕ хумĕнче

Кĕрешем-ха — пурăнмалăх!

Ят:
Хăвăр шухăша çырса пĕлтерĕр:

Ă ă Ĕ ĕ Ç ç Ÿ ÿ Ӳ ӳ « ... » —

Хаклав:

Шухăшĕ: --...вăйсăр...мухтамаллах   мар...вăйлă
Чĕлхе илемлĕхĕ: --...илемсĕр...чаплах   мар...илемлĕ
Содержанийĕ: --...ăшах...вăтам...тарăн