Эгоист
Хăйне çеç юратан çынпа ан тупăш —
кураймăн эсĕ ун ăшне кĕрсе.
Ăна хăйне çĕклен мăнаçлă шухăш
мĕнпур енчен-çке илнĕ питĕрсе.
Тек сӳтĕлет кунсен черчен чĕркемĕ,
ун ĕмĕрне пăхсассăн çавăрса.
Тăм тивнĕ чечекле вăл лӳчĕркеннĕ
пĕчченлĕх сиввипе типсе, хăрса.
Умри сĕтелĕ тӳлăх, пыллă-çуллă
пулсассăн тин вăл тупнă телее.
Анчах та пурнăç ăсĕ тавçăруллă,
хăй сăмахне кайран калать чее.
Эгоиста таçтан та эсĕ паллăн:
иртет вăл пурнăç тĕпелне хуçан.
Сас пачĕ пурнăç:
— Сан пекки сахал-им?
Халь телейӳн вăрттăнлăхне уçам.
Кăтартрĕ тĕллесе пĕр кĕтесе
(пĕри унта пĕркенчĕкпе ларатчĕ);
— Ку — санăн телейӳччĕ. Хыпарлатчĕ:
ма йышăнмăн ăна эс кин тесе?
Пĕркенчĕке сирет те шарламасăр,
йӳтенĕ карчăк курăнса каять.
— Телей-и ку? — тет эгоист шанмасăр, —
Ку — карчăк вĕт! Унпа çухалĕ ят.
Унпа епле ман пурăнас-ха нишлĕн? —
тет эгоиос. — Эх, пурнăç, лар та йĕр.
Сас пачĕ пурнăç:
— Эс çавах та йышăн:
ку карчăк — эс тахçан çураçнă хĕр.
Чăн-чăн телей çинчен тепре ан асăн,
сана курсан, сасси ун тытăнать.
Кĕрхи вăрман пек хаш! сывлать те ассăн,
каçхи хĕвел шевли пек пытанать.
Шухăшсем
План можите пожалуйста написать
Большое спасибо! Это является потрясающ...
Вау, привлекательно веб-сайт...
Вау, привлекательно веб-сайт...
Вау, привлекательно веб-сайт...
Вау, привлекательно веб-сайт...
Вау, привлекательно веб-сайт...
Питĕ чуна пырса тивекен сăвă...
Ĕлĕк , вуншар çул каялла , тейĕпĕр , вул...
Пĕр калаврах ĕç-пуçĕ целăй романлăх !!!