Алăсем


Эп чылай çынна ал тытнă.

Чăмăртанă киленсех

Çĕр ĕçченĕн ĕçре хытнă

Аллине силле-силлех.

 

Акăш тĕкĕ евĕр кăпăш

Алă лекнĕ тепĕр чух.

Çук ăна вăрçмашкăн шухăш,

Ятламашкăн кăмăл çук.

 

Харпăр хăйĕн ĕç. Ку — паллă.

Тумалли ĕçсем хистеç.

Ĕç тумашкăн панă алă

Ал çупса ан лартăр çеç.

 

Çупрăмăр пĕр харăс, шавлăн,

Пит пулмарĕ пархатар.

Халĕ те ун евĕр алă

Ĕç патне пырасшăн мар.

 

Ал-ура ĕçре çеç ыртăр —

Çакăн пек тĕллевĕм халь.

Мĕн тери çупсан та хытă,

Тек илеймĕпĕр медаль.

add comment Çĕнĕ комментари хуш


Ят:
Хăвăр шухăша çырса пĕлтерĕр:

Ă ă Ĕ ĕ Ç ç Ÿ ÿ Ӳ ӳ « ... »
Хаклав:
Шухăшĕ:
Чĕлхе илемлĕхĕ:
Содержанийĕ: