Хавхалану сӳнсен, çыракана...

Хавхалану сӳнсен, çыракана

пушхир пек тăсăлан кунсем кĕтеççĕ.

Ăс-кăмăл çывăрать, чĕре канать —

вĕçсе килмест çĕн шухăшăн чĕкеçĕ.

Эс пурпĕр талпăнатăн малалла

кун хыççăн кун, çĕр хыççăн çĕр, çулталăк...

Тен, пĕтрĕ пултарулăх? Санпала

вăл калаçмасть, уçмасть ăшпиллĕн алăк.

Папка çурать çĕн шухăш ăнсăртран,

пушхир çĕтет — çакна малтан чунпа сис.

Ем-ешĕл хум чупса анать таçтан,

малта — ыр курăм, эс кĕтмен оазис.

Урăхланать чунри лару-тăру,

сăмах калать эс кĕтнĕ пултару.

Çĕнĕ комментари хуш