Тăван тавралăх умĕнче эпир...

Николай Теветкел | Сăвă | 449


Тăван тавралăх умĕнче эпир —

мăн парăмлă çынсем. Сума сăватăп

ăна упракана. Выртса тăнлатăп:

мĕн калаçать вăрман, çаран, уй-хир?

Итлетĕп эп асамлă çутçанталăк

ача чĕлхипеле пупленине.

Ăна поэзи тейĕп те хăвалăп

хамран эп сӳрĕк шухăш пĕлĕтне.

 

Ан тив, эппин, çӳç-пуç та кăвакартăр:

ман сăвăсен янравлăхĕ пĕрех

çăлкуçăн уçă сассине хăвартăр

çын чĕрине ялан, ĕмĕрлĕхех.

Хисеп те чыс тăван тавралăха,

çĕр ĕçĕпе сăн илнĕ халăха.

add comment Çĕнĕ комментари хуш


Ят:
Хăвăр шухăша çырса пĕлтерĕр:

Ă ă Ĕ ĕ Ç ç Ÿ ÿ Ӳ ӳ « ... » —
Хаклав:
Шухăшĕ:
Чĕлхе илемлĕхĕ:
Содержанийĕ:

Шухăшсем