Çĕр-шыв типсен, ака-суха тума...1

Çĕр-шыв типсен, ака-суха тума...

Çĕр-шыв типсен, ака-суха тума

Ялйыш лаша кӳлсе, хире уттарнă.

Лашашăн вăрçă хыççăн та нумай

ĕç тупăннă: ялан вăл тăнă тарлă.

Ман çамрăклăх çакна пĕлет аван,

сахал-ха пулнă тракторсен хисепĕ.

Çав тертлĕ çулсене астăвакан

çынна сума суса пăхатăп эпĕ.

Хире те, вăрмана та, пахчана та

эпир çӳренĕ мар-и лашапа?

Ак тарăн шухăш авăрне чăматăп:

тен, лашаран та килнĕ-тĕр шăпа?

Чĕлхе пĕлсен, вăл калĕччĕ, паллах:

— Çын нушине турттартăм эп пайтах.