Ваттисем çапла каланă
Ваттисем çапла каланă,
Аслисем çапла юрланă:
«Тул ани çинчи çума
Хăть хăçан та эс çумла».
Çакă юрра юрлакан
Ĕмĕрне те выç ларман.
Ваттисем çапла каланă,
Аслисем çапла юрланă:
«Сăхма тăран çĕлене
Юраман тет шеллеме».
Çакă юрра юрлакан
Нихăçан та ахлатман.
Ваттисем çапла каланă,
Вăйлисем çапла юрланă:
«Тытăр çапăр кашкăра —
Ырлăх пулĕ хăвăра».
Çакă юрра юрлакан
Ĕмĕрне те хур курман.
Эпир те çаплах калар-и,
Эпир те çаплах юрлар-и!
Аслă Совет çĕрĕнче,
Çут хĕвелĕн ăшшинче
Ĕмĕр-ĕмĕр савăнса
Пурăнар-и ыр курса.
1941-1945
Вулавçăсен шухăшĕ
Çĕнĕ комментари хуш
Admin (2009-09-09 19:22:09):
Юлашки куплечĕ темĕскерле сăвăн тĕп шухăшĕпе çыхăнусăр пек, ют пек. Виçĕ малтанхи куплечĕ — юрă евĕр, ку вара чип-чипер тум çинчи саплăк пек. :)