Пуху пухса шăпланчĕ учреждени...

Николай Теветкел | Сăвă | пуху | 472


Пуху пухса шăпланчĕ учреждени,

ун пуçлăхĕ сăмах илет малтан.

Хăйне кура, вăл пысăк ĕç этемĕ:

анчах чунне кураймăн эс шалтан.

 

ÇитменлĔх, кăлтăк лăк-тулли — ан тĕлĕн

Çул çук хивре те тӳрĕ сăмаха.

Пылак чĕлхеллĕ йăпăлти çеç, пĕлĕн,

кунта мăнаçлă пуçлăхшăн хавха.

 

Пĕри сасартăк тăчĕ те чар! çурчĕ

ултавлă шăплăх чаршавне!

— Суя!

Тыттартăр суяна эсир туя...—

Кĕрлерĕ шыв пек учреждени çурчĕ.

 

Калать пулсассăн тӳрĕ сăмахне,

тарасапа виçеймĕн çын хакне.

add comment Çĕнĕ комментари хуш


Ят:
Хăвăр шухăша çырса пĕлтерĕр:

Ă ă Ĕ ĕ Ç ç Ÿ ÿ Ӳ ӳ « ... » —
Хаклав:
Шухăшĕ:
Чĕлхе илемлĕхĕ:
Содержанийĕ:

Шухăшсем