Вăрман çинчен час-час эп асăнатăп...

Николай Теветкел | Сăвă | вăрман | 480


Вăрман çинчен час-час эп асăнатăп:

ак халь те тăтăм шухăша путса.

Çул тытнă кăткăсем таçта — сăнатăп

мăн экспедици иртнĕ пек туйса.

 

Йĕрсе вĕçет шаланкă: çумăра-ши?

Кунтах пуçланă кайăксем туй-çуй.

Эп ӳснĕ ку енче — вăрман чăвашĕ

сас памăп çĕлене курсан та: уй!

 

Хăй ытамне упасарриллĕ чăтлăх

чĕнет, туртать вăрттăнлăхне уçма.

Кăмпа шăрши саланнăран, пит хăтлă

пӳрnе кĕретĕп пек хăна пулма.

 

Манать вăрман тӳр пилĕке кăна,

лартмасть савса сĕтел умне ăна.

add comment Çĕнĕ комментари хуш


Ят:
Хăвăр шухăша çырса пĕлтерĕр:

Ă ă Ĕ ĕ Ç ç Ÿ ÿ Ӳ ӳ « ... » —
Хаклав:
Шухăшĕ:
Чĕлхе илемлĕхĕ:
Содержанийĕ:

Шухăшсем