К.В. Иванова асăнса

Николай Шупуççынни | Сăвă | 1922 | Константин Иванов | 333


«Юрăсен юррине» çырнипе

Тапранчĕ сан ĕмĕрӳ,

Чăвашшăн хĕрсе пурăннипе

Çунса пĕтрĕ сан чĕрӳ.

 

Сарăлса çитеймен чечеке

Каçхи сивĕ шантарчĕ,

«Нарспире» кăтартнă пиллĕхе

Чир-чĕр пусса антарчĕ.

 

Анчах, юлташ, ан кулян,

Тупăкунта ан хускан.

Пĕтĕм хамăр халăха

Асăнмалăх юлăн-ха.

 

Санăн чаплă çырнисем —

Тĕрлĕ юррăн сăввисем.

add comment Çĕнĕ комментари хуш


Ят:
Хăвăр шухăша çырса пĕлтерĕр:

Ă ă Ĕ ĕ Ç ç Ÿ ÿ Ӳ ӳ « ... » —
Хаклав:
Шухăшĕ:
Чĕлхе илемлĕхĕ:
Содержанийĕ: