Мăн Атăла савса

Людмила Сачкова | Сăвă | Атăл | 458


Çу кунĕсем çăвăнчĕç каçса кайсах мăн Атăлта,

Кĕр кунĕсем пит кая юлчĕç кăçал пушшех ку тăрăхра.

Мĕне кура хĕвел ташлать яра куна çӳл тӳпере?

Кама савса ытараймасăр тăхтарĕ çак Юрату сăмсахĕнче?

 

Каяс килмесĕр уйрăлан хĕвел

Тӳпе çийĕн кĕренĕн-вутлăн хĕм сапать,

Мăн Атăлта сăн ӳкерсе

Паянлăха сыв пуллашать.

 

Çын сăмахĕ çитмест ку Илеме сăнарлама,

Çын туйăмĕ çитмест ку кĕтрете чуна хывма...

Эп пуç таятăп сан шывна,

Хĕвел савса юратнă мăн Атăла.

add comment Çĕнĕ комментари хуш


Ят:
Хăвăр шухăша çырса пĕлтерĕр:

Ă ă Ĕ ĕ Ç ç Ÿ ÿ Ӳ ӳ « ... » —
Хаклав:
Шухăшĕ:
Чĕлхе илемлĕхĕ:
Содержанийĕ: